Min første "teiknefilm"

Dette har eg drøymd om og budd meg for i årevis. Det er 12 år sidan eg var med på å lage musikk til ein slik produksjon og 8 år sidan eg kjøpte digital kamera og digital videokamera for å kunne lage liknande produksjonar. Ja, eg har jamvel vore påmeld på to kurs i emne utan at kursa har kome i gong.
Men no ligg produksjonen bak meg!!

På siste samling i DKL fekk vi høve. I etterkant fekk vi inntrykk av og kanskje ikkje ha prioritert rett i høve til oppgåveteksten, men der er eg heilt ueinig. Det viktigaste for meg var å få vere med og lage ein film for å lære prosessen. Prøving og feiling. Heldigvis vart det ikkje så mykje feiling sidan Benedicte viste kva vi styrte med.

Åse teikna storyboard, og Benedicte sette ned punkta med måloppnåing, refleksjona m.v. ....

Manuskript

Reklame for iste av Tine.

Ein figur skur iste kartongen framover (inn mot kamera).
Han er sliten. Så drikk han av kartongen via eit sugerør.
Han får så energi og er klar til studering.
Iste - gir energi til trøtte DKL studenter!

Vi hamna raskt på reklame og Eirik og Bendicte var raskt ute med ein rollefigur i modelleire, trur nok at plastalin er meir egna. Ut i produksjonen måtte vi forsterke rollefiguren med piperensarar i ryggen. Eg laga stigen.

Vi tok 3 bilde i kvar situasjon, og fortløpande. Detaljane i historia vart til medan vi arbeidde. Etter fotosekvensen var over var det litt plundring før vi fekk på plass filmen. Vi starta i Movie maker, men gjekk over til Live Moviemaker fordi der var det enklare å ta inn alle bilda på ein gong. Når bilda var på plass var redigeringsjobben enkel, berre nokre få bilde var forureina av litt hender, piperansarar o.l.

Korleis får vi lyd inn på dette? Kva musikk skal vi bruke? Eg skrein ned ein kjend korvamp, ungdomane var skeptisk til både harmoni og "grouv". Eg pressa på og det let som ei kule, neste prosjekt blir DKL kvartetten. Vi kom til at vi ikkje ville rekke Audcity osv. Vi lagra filmen i Live og opna den oppatt i Moviemaker, etter to tre forsøk vart lydsporet som det vart. Filmen er ikkje egna til å køyre utan bildespor, altså med berre lydfil, det kan bli for sterkt. Nyt resultatet.

Køyr film:

Sesamgenerasjonen

1, 2, 3, 4, 5 og …. Kven hugsar ikkje att dette omkvedet. Elise Seip Tønnesen forskar i boka Generasjon.com på borns mediebruk frå 1993 til 2005 gir oss verdifull innsikt i kor viktig denne dimensjonen er for borna våre.

Tiden tann.

Når Tønnesen seier at:” Mediebruk inngår i mange ulike sosiale samanhengar, både i fritiden til familien og blant venner og i skolearbeidet .” (Tønnesen 2007:14) så er ikkje det noko vanskeleg å kjenne seg att i for den som har born fødde i -91 og -93.

Kor gjennomgripande dette er gir Tønnesen oss ei utdjuping i dene boka. Ho har med eit døme frå USA der Ridout viser til at born der maktar å presse inn 8,5 timar pr. dag.(Tønnesen 2007:16) No blir vi rett nok trøsta med at “..har ikkje den totale tiden til mediebruk økt, …” (ibid) , no når PC-en for alvor har teke over ungdomsromma.

Med all denne tidsbruken utviklar det seg kompetanse som er viktig å inneha og ikkje minst viktig å kunne samtale om. Vi veit frå media at den digitale arenaen har og vokse seg til ein betydeleg mobbearena.

Berre 1,3% av borna sa dei aldri brukte datamaskin heime. (Tønnesen 2007:32) Her har skulen ei viktig oppgåve i å skulere å gi born opplæring. Fleire og fleire er bekymra for denne utviklinga der born fell utanfor p.g.a. manglande digital kompetanse i heimen. Tønnesen peikar på det sosiale presset med at alle dei andre har og kor viktig det er å vere i “gjengen”. “Og for de som ennå ikkje har fått den, kan det bety en katastrofal utestenging frå ungdomsfellesskapet når de fleste andre har mobiltelefon.” (Tønnesen 2007:33)

Samfunnet har den siste tida hatt stort fokus på mobbing. Oss som arbeider i skulen har hatt det i årevis. Eg skal ikkje unnskylde at det har funnest i skulen, men der eg har vore har fokuset på å stoppe mobbing alltid vore stor. Ei større og større utfordring er all den “mobbing” som skjer på TV i beste sendetid, den står vi i skulen ofte hjelpelause overfor, fordi noko av det ofte blir definert som humor.  Då kan det kanskje vere særs viktig å lese det Tønnesen sier : “ Det kan se ut til at de bruker fjernsynsprogrammene som indentitetsmarkører, med både negativt og positivt forteign.”(Tønnesen 2007:47)

Eg vil avslutningsvis peike på kva Tønnesen seier om ei av skulen sine roller. “Nettopp ved å være en alternativ kompetansearena i dialog med de unges fritidslæring kan skolen få mulighet til å sette et kritisk lys på underholdningsindustrien.” (Tønnesen 2007:165)

Netvibes ei god startside

Til no har eg gjerne brukt lokalavisa som startside på PC-en. Det er kjekt det og ofte er det noko nytt som møter meg kvar dag. No prøver eg å vise korleis det kan bli med Netvibes. Du må nesten opne bilda for å få samanheng i det eg skriver, kanskje står der noko viktig!? Denne Netvibesen som eg har teke bilde av er privat og ikkje råd og dele slik du kunne utforske den sjølv, difor bilda. Men eg har og laga ein offentleg, om fuglar, her er den. Eg legg inn ei lenke på slutten ogslik du kan konsentrere deg om dette "Dashbordet" først.

Etter å ha lært om Netvibes forstår eg at her kan eg raskt få gjort unna nokre “småting” samstundes som eg kanskje og veit kvar eg “har” hugseliste, kalkulator, mine aviser og bloggadressene til Per og Pål. Men før Netvibeskontoen skal etablerast kan det vere kjekt å ha ein G-mail konto. 

Legg merke til at lokalavisene er leste!!

På you-toube er det alltid hjelp å få. På netvibessida di kan du og få tilbakemelding om det siste som skjer der, på facebookkontoen din og om der er nye meldingar på G-mail.

I netvibes kan du legge inn RSS, Realy Simpel Sydication. På bloggen til Martin Bekkelund får du ei god innføring på norsk. RSS er ei oppdateringsteneste som viser om noko nytt har hendt på ei avisside, bloggside, e-posten din eller Facebookkontoen din. No er det kanskje mest interessant å vite om der er noko nytt på ein spesiell Blogg eller It`s learning.

Når det gjeld It`s learning er det kanskje like viktig at lærarane veit korleis RSS tenesta verkar og er bevisst på det. Det er ikkje nok å legge ut nye oppgåver, ein er og nødd til å legge inn ei påminning på fagsida. Det er der RSS-feedinga ligg.

Ofte brukar eg nettet til å finne telfonnummer og planlegge kartruter, eller rett å slett finne plassar rundt om kring. Ja, no veit eg kvar eg har det og.

No har eg igjen brukt noko tid på eit Privat dashboard. Er der ein måte å dele det med nokon?

Fuglesida mi laga eg i forbindelse med innlevering av M3.

Thorseth og Skog vår tids oppdagarar

No skulle eg ynskje at eg alt hadde teke i bruk Delicious (Harboe L, norskboka.no 2010:155) For ikkje lenge sidan var eg innom ei norsk nettside som eg lagra i favorittar, sidan har eg diverre skifta jobb PC-en og bokmerke har gått tapt. 

Harbo seier: “Kva gjør du når du finner en side på nettet som du antar du kanskje ønsker å komme tilbake til senere?” (ibid), og beskriv Delicious som eit program der du kan skrive umiddelbare kommentarar “opp på” sida  og lagre merknaden med sida. Og ved å bruke ulike stikkord vil du lett finne den att. Ja, og du kan og dele sida med andre til dømes elevane dine.

Sida minte meg  om http://www.martinlutherking.org/  Artikkelen eg kom innom tok for seg ein lokal del av krigsoppgjeret i Norge med ein stor detaljrikdom. Eg las artikkelen med interesse og undring, kunne dette stemme? Etter å ha hoppa litt rundt på web-sida elles,  forsto eg at her var nok ikkje alle kjeldene like mykje til å stole på.

Det går for seint for meg å lese engelsk, men alt den første artikkelen eg opna fekk meg til å reagere, - er dette noko å skrive om? Martin Luther King Pop Quiz, spesielt  når spørsmålet som kom opp var slik: 

“2. According to whose 1989 biography did King spend his last night on earth in an adulterous liaison?” 

Eg vil ikkje gå noko meir i djupna med dette døme anna enn å gå nederst på sida og fylgje lenka til opphavsmennene. “Ein URL kan gi deg informasjon om opphavet til sida, …. (Erdal I.J., 2011:9) Ved å fylgje ein link nedst på sida kom eg hit: http://www.stormfront.org/forum/  Oppe til venstre på sida er der eit symbol som seier: White pride world wide.  Eg og mine elevar treng ikkje meir info frå denne sida. På den andre side er ho eit døme på spreiing av sjofel svertekampanje .

Sida:  http://www.allaboutexplorers.com/  Alt om oppdagarar verkar spennande.  Eg gjekk raskt til Magellan sine sider, klart i minne korleis gamlerektor på barneskulen var tilbake og hadde ein vikartime i 2. klasse der han la ut om denne store sjøfararen, og kvar han sette sitt namn på kartet og i historiebøkene. Let eg att augene kan eg framleis sjå korleis han tok fram kartet av Sør-Amerika og viste oss Magellanstredet og la ut om den strabasiøse reisa.

Men kva var dette? Han seilte gjennom Panamkanalen og vart skoten i auga av ein AK-47. Er det berre tull dei forar oss med denne gongen? På siste fana er det merka About, her får eg ei god forklaring. Dette er ei side som både har med fakta og tvilsomme opplysingar og vil trene opp elevar til kjeldekritisk tenking. Jau, tilnerminga er morosam synes eg. Kanskje var det vel overdreve å kome med ein AK-47 på 1500 talet, men på den andre side kunne det ha vore dåtidas gevær. Etter litt manurering på sida fann eg lenker som ikkje var oppdaterte og i funksjon, det er synd.

Eg likte godt metodikken og kanskje hadde det kunne vore ein god ide til ein Netvibes ilag med elevane, om våre heltar for å skape blest om dei.  

Nansen, Amundsen, Thorseth, Skog og fleire med dei. 

Kjellaugs, ei gratis Google nettside

Etter å ha prøvd meg på Facebook er turen komen til Google nettside. Det eg var ute etter var å etablere ein uformell treffstad for søskenbarna mine. På Facebook etablerte eg ei privat gruppe, onkel Sigurd 70 år. Til mi store overrasking var den ikkje så privat, for plutseleg kom det inn førespurnader frå ukjende folk.

Farmor heitte Kjellaug, derav namnet. Etter å ha sett første videoen til Leksjonen la eg i veg. Og opp kom forslaga, eg klikka på Family og eksprimenterte i veg. Som dokke ser av bilda så greidde eg både å endre namn og sette inn bilete, men der stoppa det opp.

Etter å ha snakka med medstudentar fekk eg råd om å starte med ei tom side, altså ikkje ein mal. Etter å ha arbeidd nokre timar har eg begynt å få tak på sida.

Og etter å ha prøva og feila nokre timar gir dei fire videoane til Radford University ein heilt anna dimensjon. (Antwort. K Digital arena 2, 2011:12).

Så får eg sjå om søskenbarna mine er villege til å bidra slik vi får eit forum for informasjonsutveksling.

Enkelte av søskenbarna mine synes vi stundom blir oss sjølve nok. På denne måten kan vi i alle høve halde det innafor familien.

Tilpassa opplæring 2 og bruk av dropbox

Ja, så var verktøyet som eg hadde sakna på plass. Dropbox, ein lagringsplass på nettet der du kan ha liggande inntil 2GB gratis med filer av ulike slag, og vil du vite meir kan du sjekke her.

På sikt tenker eg å utvikle ei heimeside der eg vil legge ut alle songane eg har laga til. Nokre av songane eg brukar må eg ha avklaring i høve til dei som har rettane til dei.

Men her har eg to som er sikre då dei to opphavsskaparane har vore død i meir enn 70 år.

«Blåmann» eller «Leitande etter Blåmann» er ein kjend song skriven av Aasmund Olavsson Vinje. Han blei prenta første gongen iDølen i 1860, som avslutning til artikkelen «Gjeiti». Diktet blei seinare tonesett av Anne Haavie, og er blitt ein utbreidd norsk barnesong (Kjelde Wikipedia)

Her kan dokke berre fylgje lenkene.

Vil du kopiere heile songen kan du laste den ned på di maskin via min Drop-box konto, berre klikk på denne lenka:

    http://dl.dropbox.com/u/25413938/Bl%C3%A5mann.doc

Torsdag førstkomande skal vi ha konsert. Vi har invitert klassa for tilrettelagd undervising ved Volda vidaregåande slik dei kan få høyre kva vi har lært i løpet av dette året. Blir konserten ei suksess er det ikkje umulig at vi legg ut på turne!!

Denne songen har vi seks vers på og linken til fila finn du her: http://dl.dropbox.com/u/25413938/Happy%20Birthday.doc

Her bilete av songen,

                                                                                                                                                                    

og bilete av bassgitaristen

Så håpar vi at vi snart kan by på lydopptak og.

Comic life til begynneropplæring i norsk

I denne leksjonen skulle vi gjere oss kjende med eit av verktøya og sjå korleis ein kunne knyte verktøyet til læreplanmål.  

Når eg tenker på korleis døtrene mine vart introduserte til den første lese og skriveopplæringa på skulen vil eg seie at Comic life kan vere eit motiverande og kjekt verktøy til bruk i så måte. I dag har skulane og dei fleste lærarar oså den kompetanse som skal til for å ta verktøyet i bruk. Vi veit og at ei av dei fem søylene i LK06 er digital kunnskap.

I Læreplanen 06 står det i kompetansemåla til norskfaget 2.kl : “ uttrykke egne tekstopplevelser gjennom ord, tegninger, bilder, musikk og bevegelser” (LK06:45) Det står og kor viktig det er å samtale om ord og bilde og korleis dei verkar saman.(ibid)

Den gong skreiv læraren opplevingane barna såg på turen opp på tavla. Så skreiv ein det over på eit ark som dei fekk lime inn i boka si eller dei som greidde å skrive sjølve fekk lov til det. Og for å understreke teksten laga elevane eigne illustrerande teikningar. Eg håpar inderleg dei held fram med denne måten å arbeide på, men no kan ein og supplere med “teikneserie”. Eg tenker meg teikneserien veldig konkret og at elevane og skal få vere med på produksjonen. No underviser eg ikkje i andre klasse, men når ein ser kor fotrulege barna i dag er med ulike dataspel, vil eg tru at bokstavane på tastaturet blir lett å kjenne att.

Tekstskaping med datamaskin er og eit anna av kompetansemåla i 2. klasse. (LK06:45)

Ein måte å gi den grunnleggande leseopplæringa på kan vere via eigenproduserte teikneseriar. Her treng ein ikkje tenke ut vanskelege og kreative dialogar.

Som det ser her er vi og oppteken av å lære fargane.

Og at ein kan halde fram med teikneseriar i norskopplæringa fann eg dekning for hjå Leif Harboe  i norskboka.no (2010:195). Han viser til nettsida til nynorssenteret der han har funne mange gode tips til bruk i norskundervisinga. http://www.nynorsksenteret.no/teikneseriar/  Ja, då berre bøyer eg meg i støvet.

Ja, og vil du halde fram med teikneseriar er det berre å satse fram mot vidaregåande skule i fylgje høgskulen i i Bergen. I samarbeid med Nasjonal Digital Læringsarena (NDLA) har dei utvkla ein læringsressurs til bruk i Vidaregåande skule.(DKL102 Samansette tekstar 2011:10)

Avslutningsvis må eg og få lov til å vise fram vår gode venn og kjeldegge og mi første erfaring med Comic Life.